【DSE2019】樂壇新人黃淑蔓滿意放榜成績　平常心面對得失以鄭秀文歌減壓

今天是DSE放榜日，回想起那些年自己會考放榜的那天。不努力讀書的我對派彩絕對無期望，同學們緊張得像賭神甩牌一科一科偷看成績，我接手看罷就笑了，夠分升中六？坐在旁邊的書蟲激動得放聲大哭說：「不公平！不公平！這個世界很不公平，你不讀書還比我高分？」

那天我安慰著她，可以交換分數的話我很願意交換，反正人生有著很多出路。

人到中年回頭望，你會發現以前的不公平不安憤怒恐懼，都只是過眼雲煙，只是人生一小部分的插曲而已。

▲ （圖片：梁爾紋）

今天，也是「寰亞孻女」黃淑蔓 DSE放榜的大日子，之前已經叮囑她無論成績如何都要平靜面對，她還唱著鄭秀文的新歌《我們都是這樣長大的》減壓，很開心晨早打開IG 就見她報喜：「放榜了！依家真係明白咩叫放下心頭大石！有關成績方面嘅嘢就唔仔細咁講啦，因為比較敏感！不過同大家報個平安，全部都達標而且都比我想像中好。

她道：「接下來，我會坐低同屋企人、公司好好咁計劃一下升學方面嘅嘢，可能要重新排過 JUPAS (大學聯招) 又或者其他路。真係辛苦晒大家了！我啱先緊張到成個人震晒！其實分數高與低唔重要，出路有好多，最緊要係你付出咗，努力到盡頭你別來理會什麼差距。成績好嘅當然要恭喜大家啦，但未如理想嘅唔緊要！喊完我地一齊再出發。啊，仲有8月5日(聯招放榜)希望你地入到心儀嘅科目！」

見她如斯懂事，我亦放下心頭大石，人生面對的困難多的是，改變不了結果，就改變心境，很多人說性格決定命運，其實心態更可以創造美好的人生。